Urdu hai hamari pehchaan

Aao bachchow Urdu ka pahla sabakh seekhay

Aleef say Allah -- Ray say Rasool
 

Kalam-bandh karna hai tumeh apnay seenow mein Urdu kay usool

Tumeh hi jalaye rakhna hai yeh mashaal -- hatani hai Urdu ki kitaabow par jami dhool
 

Dekho na bujhnay paye yeh diya

Hamaray purkhow nay jisay apna lahu diya
 

Urdu hai hamari zabaan

Urdu hai hamari pehchaan
 

Tum nay jab say aankh kholi

Suntay aye tum tabhi say yehi boli
 

Angrayzi bolna nahi mana

Lekin samajhna mat Urdu ko kabhi sageer -- mat honay dayna esay kabhi fana
 

Es mein chipi hai badi tehzeeb
Insaaniyat ki saari seekh
 

Meinay na suni apni Maa ki baat

Ab rota hu aasu aath aath

Seekhi nahi meinay Urdu -- guzar di umr yu hi fuzool
Ab kahi ja kay jaana hai Urdu ka asli mool -- ho gayi mujh say badi bhool

Tum mat karna yeh galti -- mat rahna mahroom
Padh likh kar bano tum bhi jaisay Khalifa Harun

Liye meinay ab hosh kay nakoon
Seekh raha hu ab es umr mein Aleef aur Noon